Sanoatni rivojlantirish · 2026-yil 22-oktabr
Spot.uz xabariga ko‘ra, Shavkat Mirziyoyev Qashqadaryo viloyatini ijtimoiy-iqtisodiy rivojlantirishga bag‘ishlangan yig‘ilishda yil oxiriga qadar G‘uzor, Sho‘rtan, Muborak, Dehqonobod va Nishonda 6 ta sanoat klasterini tashkil etish vazifasini qo‘ydi. Shuningdek, Sho‘rtan, Muborak, Yakkabog‘ va Koson tumanlarida «Qashqadaryo» erkin iqtisodiy zonasining filiallari tashkil etilib, infratuzilmaning birinchi bosqichiga 250 milliard so‘m ajratiladi.
Yaqinda ochilgan FM World zavodida zamonaviy traktorlar va qishloq xo‘jaligi texnikalarini mahalliylashtirish bilan birga, agrar soha uchun dronlar ishlab chiqarish loyihalarini yo‘lga qo‘yish topshirildi. Qarshi tumanida xitoylik investorlar ishtirokida barpo etilayotgan 45 MVt quvvatga ega chiqindidan elektr energiyasi ishlab chiqarish zavodi qurilishi yakunlanmoqda.
Energetika sohasida Masdar kompaniyasi 2027 yilda umumiy qiymati $250 million bo‘lgan 300 MVt quvvatli quyosh fotoelektr stansiyasi va 75 MVt quvvatli saqlash tizimini ishga tushirishni rejalashtirmoqda. Nishon va Ko‘kdala tumanlarida podstansiyalar qurishga $70 million, 245 kilometrlik Tolimarjon — Sug‘diyona elektr uzatish liniyasiga esa $150 million ajratilib, ularni kelgusi yilda ishga tushirish belgilangan.
Barcha yangiliklarSpot.uz xabariga ko‘ra, ilgari Turkiston Bankka tegishli bo‘lgan mobil ma’lumotlar markazi E-auksion platformasi orqali sotuvga chiqarildi. Mulk bank kreditorlari yig‘ilishining oktabr oyi oxirida qabul qilingan qaroriga asosan sotilmoqda. Turkiston Bank 2022-yil oktabr oyida bankrot bo‘lgan, 2023-yil fevral oyida esa iqtisodiy sud kredit tashkilotini bankrot deb topgan.
Gazeta.uz nashrining xabar berishicha, 7-noyabr kuni Toshkent viloyatida 500 kV kuchlanishli “Koltsevaya” podstansiyasi foydalanishga topshirildi. Ushbu obyekt poytaxt va Toshkent viloyatining bir qismida elektr ta’minoti ishonchliligini oshirish hamda mavjud elektr tarmoqlariga tushadigan yuklamani taqsimlash imkonini beradi. O‘zbekiston Energetika vazirligi matbuot xizmati xabariga ko‘ra, Jahon banki ishtirokida amalga oshirilgan loyihaning umumiy qiymati 171,4 million AQSH dollarini tashkil etdi.
Muloqotni boshlang
Yangi imkoniyat, texnik masala yoki hamkorlik g‘oyangizni biz bilan muhokama qiling.
Jamoamiz bilan bog‘lanish
